காலம் மாறிப் போச்சு...கலி முத்திப் போச்சு..

கலைஞர் தொலைக்காட்சி பற்றிக் குறிப்பிடும் போதெல்லாம், மானாட மார்பாட (நன்றி : அஞ்"ஞாநி") பற்றியே குறிப்பிடுவது எனக்கு மிகவும் வருத்தமளிக்கும் ஒன்று..காரணம் மக்கள் தொலைக்காட்சியில் தமிழாசிரியர் நன்னன், தமிழ்ப் பண்ணை நிகழ்ச்சி வழியாக பல ஆரிய புரட்டுக்களை போட்டு உடைத்தும், திராவிட (தமிழர்) கருத்துக்களை அள்ளித் தெளித்தும் செம்மையாக பணியாற்றும் போது, திராவிடர் கழகத்தின் வழித்தோன்றல்களால் (அல்லது வழித்தோன்றல்களுக்காக) ஆரம்பிக்கப்பட்ட அலைவரிசையில், பொழுதுப் போக்கு நிகழ்ச்சி மட்டுமே முன்னிறுத்திப் பேசுவது, என்னை சங்கடப்படுத்தும் ஒன்று.

இத்தகைய சூழ்நிலையில் காலையில் திடிரென்று சுமார் 8.00 மணிக்கு ரமேஷ் பிராபா ஒரு நேர் காணல் நடத்தினார். நேர் காணலில் கலந்துக் கொண்ட பெரியவர் யார் என்று கவணியாதப் போனேனே என்று மிகவும் வருந்துகிறேன். எப்படி படிப்படியாக தமிழ் ஒதுக்கப்பட்டு, வடமொழி ஆதிக்கத்தில் வந்தது என்று மிகவும் அருமையாக விளக்கிக் கொண்டியிருந்தார்.

வந்தவர், நாத்திகர் அல்ல. பழுத்த சிவயோகிப் போல், கையின் முட்டியில் கூட பட்டையிட்டுயிருந்தார். ரமேஷ் பிரபா கேட்ட கேள்விகளும், தமிழை வடமொழியிடமிருந்துக் காப்பாற்றிய/ அல்லது காப்பாற்ற முனைந்த தலைவர்கள் குறித்தெல்லாம் சுற்றி வந்து, தெளிவான விளக்கத்துடன் எளிதாகவும் , மக்களுக்கு உண்மையயைச் சொன்னது.

ரமேஷ் பிரபாவின் கேள்விகளில் மிக முக்கியமான கேள்வி "வடமொழி எதிர்ப்பு, பெரிதும் பரப்பாட்டாலும், ஏன் இன்னும் அதிகாரம் செலுத்துகிறது" என்று பொருள் வருமாறு கேட்டார். அதற்கு அந்த பெரியவர் " ஆண்கள் வடமொழி வேண்டாம் என்றாலும், வீட்டின் பெண்கள் ஐயர் வைத்து மந்திரம் சொன்னாலே ஆச்சு என்று அடம் பிடிப்பது தான் காரணம்" என்றார்.

மறைமலையடிகள் பற்றி எல்லாம் சிலேகித்துக் கூறியவர், ஆத்திகர் என்பதால், பெரியாரைப் பற்றி, மறந்தும் குறிப்பிடவில்லை. மக்கள் தொலைக்காட்சியில் நன்னன் அவர்களின் தமிழ் தொடர், விஜய் தொலைக்காட்சியில் தமிழ் எங்க மூச்சு தொடர் என்று சிறிது சிறிதாக தமிழர்களுக்கு உகந்த நிகழ்ச்சிகள் வருவது எதனால்...கலி முத்திப் போனதால் தானோ..??? :)))))


ஃஃஃஃ

ஆடைகள் வாங்க கடைகளுக்குச் சென்றால், அங்கேயிருக்கும், கன்னாடிக்க்கூண்டுக்குள், ஏன் வெளிநாட்டு ஆடவர், பெண்டிர் போன்ற பொம்மைகள் இருக்கின்றது. ஆரம்ப காலத்தில் கடைகள் வெளிநாட்டை பார்த்து அப்படியே ஆரம்பித்ததனலா..இல்லை நம்முடைய தாழ்வு மணப்பான்மையலா...? புதசெவி

ஃஃஃஃ

மதுரையில் மொட்டைக் கோபுரத்திற்கு அருகேயுள்ள ஐசிஐசிஐ வங்கிக்கு செல்ல வேண்டியதாகியிருந்தது. ஏனோ, வங்கிக்கு பணம் எடுக்கவோ, கொடுக்கவோ, கட்டவோ, வாங்கவோ வந்திருந்த அனைவருமே, ஆண்கள். வங்கி அதிகாரிகள் பெண் இருந்தாலும், பயணாளர்களில் ஒருவர் கூட இல்லாதது எனக்கு ஆச்சரியமளித்தது.

அங்கிருந்த பெண் வங்கி அதிகாரியிடமே கேட்டேன். அப்பொது தான் அவரும் வியந்துப் போய், ஆமாம் சார், இப்ப தான் நானும் கவனிக்கிறேன், பெரும்பாலும் ஆண்கள் தான் வங்கிக்கு வருகிறார்கள். பெண்கள் வருவது மிகவும் குறைவு என்றார். பொதுவாக மென்பொருள் துறை வளர்ச்சிக்கு முன் பெருநகரங்களிலும் சிறுநகரங்களிலும் இதேப் போன்றே இருந்திருக்கும் என்று நினைக்கிறேன்.

தமிழ்ப் பெண்கள்் வங்கி,பண விவகாரங்களில் மூக்கை நுழைப்பதில்லையே..ஏன்...புதசெவி..